Meri aankhen kharido gey

Suno…
Meri Aankhen kharido gey.?

Bohat majbor halat main mujhy neelaam karni hain,

Koi mujh se naqad ley jao,

Main thoray Daam ley lon ga,
Jo dey dey pehli Boli to,

Usi k naam kar doon ga,

Mujhy Bazar walay keh rahay hain kam aqal Taajir,

Suno Logo!

Nahi main Hirs ka mara,

Nafa nuqsan ki Shatranj nahi main khelnay aya,

Bari mehboob hain mujh ko ye meri neem tar Aankhen,

Magar ab bechta hoon main,

K main ny Khwab dekha tha,

Usay apna bananay ka,

Usay Dil main basanay ka,

Mujhy us Khwab ka Tawaan bharna hai,

inhain Neelaam karna hai…..!