Har baat likhi nahi ja sakti.
Jaise.... Tumhara, mujhe iss qadar pyar se dekhna. Likha nahi ja sakta.
Sath chalte hue, humare hathon Ka takrana Aur phir bina ek dusre ki taraf dekhe, iss baat par muskura dena.
Likha nahi ja sakta
Tumhari ungliyon ka, mere chehre ko chune ka ehsaas.
Tumhari saason ka mere hothon par theher jaana....
Likha thodi ja sakta hai.
Jaise tumhare chale jaane Ke baad bhi, mere jism me tumhari khusboo ka reh jaana.
Sirf mehsus kiya ja sakta hai.
Likha thodi ja sakta.
Har baat likhi nahi ja sakti.
